Қызылжарлық мұғалімдер екпе салдырып жатыр

Қызылжарлық мұғалімдер қауымы екпе салдырып жатыр. Оған мектеп жасындағы балалар арасында коронавирус инфекциясының таралуы себеп. Өңірде қыркүйек айынан бері 740 оқушы ковидке шалдыққан. Жалпы Солтүстік Қазақстан облысы бойынша вакцинаның 1-ші компонентін 21 мың адам алса,екі компонентін де салдырғандар саны 4 мыңға жуықтады.

Елена Мироедова,  Петропавл қалалық 1-гимназия директорының орынбасары:

Біз күнде балалармен жұмыс істейміз. Көпшілік арасында инфекция жұқтыруымыз немесе тасымалдаушы болуымыз әбден мүмкін. Сондықтан екпе алғаным дұрыс деп ойлаймын.

Шымкентте вакцинациялау ісі барлық тұрғындарға қолжетімді болуы үшін мобильді топтар ұйымдастырылды. Олар ірі сауда орындары, халық көп шоғырланатын жерлерде және мекемелерде екпе жасауда. Енді қарбалас тірлікпен жүрген тұрғындар арнайы емханаға бармай-ақ жол-жөнекей осындай орындарда да вакцина салдыра алады. Ол үшін жанында жеке куәлігі болса жеткілікті.

Эльмира Кәленова