Алматы облысында 4 оқушыны қаққан жүргізушіге қатысты іс сотқа жолданды

Алматы облысында төрт оқушыны қаққан жүргізушіге қатысты қылмыстық іс сотқа жолданды. 54 жастағы азаматтың ісіне қатысты сараптамалар аяқталды. Прокурорлар айыптау актісін қылмыстық істі қарау үшін №2 аудандық сотқа жіберген. Күдіктіге Қылмыстық кодекстің 345-бабы 4-бөлігі, яғни, мас күйінде екі немесе одан да көп адам өліміне алып келген көлік құралын басқарды деген айып тағылып отыр. Егер қылмысы дәлелденсе 10 жылға дейін бас бостандығынан айырылуы мүмкін.

Еске салайық, Еңбекшіқазақ ауданы Қорам ауылының тұрғыны мас күйде рульге отырып, жол бойындағы төрт баланы қағып кеткен еді. Алған жарақатынан екі жасөспірім ауруханада көз жұмды. Ал екеуінің жағдайы қазір жақсы.

Қуан Нұрақын