Квазимемлекеттік секторда 13 қоғамдық кеңес құрылады

Квазимемлекеттік секторда 13 қоғамдық кеңес құрылады. Қазір ұйымдастыру жұмыстары жүріп жатыр. Қоғамдық кеңестер «Самұрық - Қазына», «Бәйтерек», «Қазақстан инжиниринг», «ҚазАвтоЖол» сынды холдингтер мен компанияларда құрылмақ. Бұл жөнінде былтырғы Президент жолдауында айтылған еді. Соған сәйкес заңға өзгертулер енгізілді. Кеңеске мүше болған азаматтар компанияның стратегиялық жобалары мен есептеріне, мониторинг және қаржы,шаруашылық жұмыстарына қатысты талқылауларға қатыса алады. Бұл компаниялардың жұмысын барынша ашық ету үшін жасалып отырған қадам.

Әлия Мырзағалиева, «Бәйтерек» ұлттық басқарушы холдингінің департамент директоры: 
Жоспарлы құжаттарымызға түзету жұмыстары барысында қатыса алады. Одан басқа мемлекеттік сатып алу жүйесіне келетін болсақ, онда ол күн сайын болып жатқан операциялық жұмыстар ғой оған бөлек мүшелері қатысуы мүмкін.Осы қоғамдық кеңес арқылы біз қоғамға жақын боламыз деп ойламыз. Бұл біздің ашықтығымызды күшейтетін болады. 

Шерхан Жамбылұлы