Жаркент қаласында гараждардың бірінен екі жасөспірімнің өлі денесі табылды

Алматы облысының Жаркент қаласында гараждардың бірінен екі жасөспірімнің өлі денесі табылды. Алдын ала болжам бойынша кәмелетке толмаған балалар көлік жөндеп, бензиннің иісіне уланып қалуы мүмкін. Қазір құзырлы органдар қайғылы жағдайдың нақты себептерін анықтауға кірісті. Оқиға сәуірдің 28-і күні болған. Аудандық полиция бөлімінің жедел тергеу тобы тұрғындардың шақыртуы бойынша келген.

Ақбота Қуанышбекқызы, облыстық полиция департаменті баспасөз қызметінің жетекшісі:
Екеуі де 2004 жылы туған балалар. Қинап өлтіру белгілері анықталмады. Қазіргі уақытта аталған дерек бойынша Қазақстан Республикасының 156-бабы 4 бөлігі бойынша сотқа дейінгі тергеу амалдары жүргізілуде.

Қуаныш Қанатұлы