Басты Жаңалықтар Петропавл ауыр машина жасау зауытының қызметкерлері жұмыстан кетіп жатыр

Петропавл ауыр машина жасау зауытының қызметкерлері жұмыстан кетіп жатыр

01.06.2021 20:00

Петропавл ауыр машина жасау зауытыныңқызметкерлері жаппай жұмыстан кетіп жатыр. Өйткені ақпан айынан бері жалақы алмаған. Зауыттың көпшілік алдындағы берешегі 100 млн теңгеден асады.

Григорий Ерков, дәнекерлеуші:
Адамдар жұмыстан кетіп жатыр. Жыл басында ғана ұжымда 700-дей қызметкер болған. Қазір шамамен 200 адам қалды. Зауытта ешқандай жұмыс жоқ, ештеңе шығарылып жатқан жоқ. Таңертең келіп, кешке үйге қайтамыз. Зейнет жасына жақындағандар ғана қалды, жастар кетті.

2018 жылы республика қазынасынан 4,4 млрд теңге бөлініп, зауытты қайта жаңғырту жұмыстары басталған болатын.Бірақ шетелден әкелінген қымбат қондырғылар әлі күнге іске қосылған жоқ. Облыстық еңбек инспекциясының мамандары зауытта тексеріс жұмыстары басталғанын айтады. Ал әлеуметтік желілерде нысанның сатуға қойылғаны туралы ақпарат тарап жатыр.

Азат Көшербаев, Еңбек инспекциясы басқармасыныңбөлім басшысы:
Жүргізілген тексерулер бойынша жұмыс беруші 100 АЕК-ке айыппұлған ілінген болатын. Бүгінгі күні зауыт қаржылық қиындықтарды басынан өткеруде.

Эльмира Кәленова

Автор

Эльмира Кәленова

Бөлісу