Семейлік куберлер Әлихан Бөкейхановтың бейнесін рубик текшелерінен құрады

Семейлік куберлер Әлихан Бөкейхановтың портретін рубик текшелерінен құрастырып шықты. Панноны салу үшін 3x3 форматындағы 3 мың текше жұмсалған. Салмағы 450 келі болатын картинаны жинауға кәсіби куберлерге 1 күн кеткен. Бұған дейін қазақстандық спидкубинг федерациясының мүшелері «Наурыз», «Жеңіс күні» тақырыбына да композицияларды құрастырған. Әлихан Бөкейхановтың бейнесін сомдау ұлт зиялысының 155 жылдық мерейтойы қарсаңында ұйымдастырылды.

Азамат Азатов,    ұйымдастырушы:
Осы рубик текшелерінен Әлихан Бөкейханның портретін құрастыру арқылы біз жастарға олардың тілінде Әлиханның кім екендігін, ол кісінің қандай қызмет атқарғандығын, қазақ тарихында жалпы қандай рөл атқаратындығын осындай жолмен жеткізгіміз келді.

 Ержан Жақып