Америка кубогы: Аргентина мен Чили құрамалары тең түсті

Америка кубогының топтық кезеңіндегі матчта Аргентина мен Чили құрамалары 1:1 есебімен тең түсті. Бірінші таймның ортасында аргентиналықтар сапынан Лионель Месси тікелей айып алаңынан гол салды. Бұл Мессидің Аргентина құрамасында ресми матчтардағы 39-шы голы. Алайда 57-минутта Эдуардо Варгас есепті теңестірді. А тобындағы келесі матчта Аргентина Уругвайға қарсы 19 маусымда ойнайды. Ал Чили бір күн бұрын Боливиямен кездеседі. Бразилияда өтіп жатқан Америка кубогы 10 шілдеге дейін жалғасады. «Qazaqstan» және «Qazsport» телеарналары футболдан Америка кубогының ойындарын да тікелей эфирде көрсетуде.