СҚО-да бір үйір жылқыны ұрлаған барымташылар ұсталды

Солтүстік Қазақстанда бір үйір жылқыны айдап әкеткен барымташылар ұсталды. Мал ұрлығы өткен жылдың қарашасында тіркелген. Уәлиханов ауданы Қазанғап ауылы тұрғынының жайылымда жүрген 40 жылқысын үптеп кеткен. Шығын сомасы 15 миллион теңгеге бағаланды. Жоғалған жылқылардың екеуі Ақмола облысының Зеренді ауданы тұрғынының қорасынан табылды. Иесі малын таңбасынан таныған. Осылайша полицейлер қылмыстық топтың ізіне түскен. 5 күдікті бірнеше күн бойы кезектесіп жылқыларды Ақмола облысына айдап апарып, сол жерде бөлісіп алған.

Руслан Назаров, СҚО ПД бастығының орынбасары:
Ұрлыққа қатысты төрт Ақмола обысының және бір Солтүстік Қазақстан облысының тұрғындары әшкереленді. Барлық күдіктілер қазіргі уақытта қамауға алынды.Тергеу жұмыстары жүргізілуде.

Эльмира Кәленова