Павлодар облысында прокурор мен оның көмекшісі жұмыстан қуылды

Павлодар облысы, Железинка ауданының прокуроры мен оның көмекшісі жұмыстан қуылды. Естеріңізге сала кетейік, осыдан бір ай бұрын аудандық прокуратура дәлізінде полицияның аға тергеушісі өзін-өзі атып, иығын жарақаттаған болатын. Ішімдік ішіп алып, прокуратура қызметкерлері қысым жасағаннан кейін терегуші осындай әрекетке барғанын айтқан еді. Жақында іс облыстық прокуратураның тәртіптік комиссиясында қаралып, прокурор Шұғаев пен оның көмекшісі Айтжанов ар-намыс Кодексін бұзғандары үшін жұмыстан қуылғаны белгілі болды. 

Болат Аманбаев