Алматыда бір үйдің үш адамы дәретхана шұңқырына түсіп мерт болды

Алматыда бір үйдің үш тұрғыны дәретхана шұңқырына түсіп мерт болды. Қайғылы оқиға кеше кешкі 8-дер шамасында қала іргесіндегі Абай ауылында болған. Алдымен кәріз құдығына 1 жасар қыз бала құлап кеткен. Артынша оның 12 жастағы ағасы, кейін әкесі, сосын әжесі көмекке ұмтылып, бәрі улы газға тұншығып қалған. Оқиға орнына құтқарушылар дереу жетіп, 4 адамды да шұңқырдан алып шықты. Алайда ер адам ғана аман қалды. Қалғандары жедел жәрдем жеткенше жан тапсырған. Қазір 41 жастағы азамат ауыр халде ауруханада жатыр. Мамандардың мәліметінше, тереңдігі үш метр дәретхананың жартысы қалдыққа толы болған. Адамдарды құтқару үшін полицейлер де кәріз құдығына түскен.

Ерсін Смағұлов, патрульді полиция полкінің қызметкері:
Шақыртуға келген кезімізде 4 адам, бір еркек кісі тұншығып жатқанын көрдік. Сол кісіне құтқаруға екі буран 54 жәрдемге келіп, сол кісіні құтқарып үлгердік. Оның артынан кішкентай баланы алып шығып үлгердік.