Павлодар облысында екпе салдырушылар саны екі есеге көбейді

Соңғы күндері Павлодар облысында екпе салдырушылар саны екі есеге артты. Күніне 2,5 мың адамға дейін вакцина салдыруда. Себебі, короновирустың таралуы тежелер емес. Ал, дәрігерлер әсіресе жастардың көптеп кеселге шалдығып жатқанын мәлімдеді. Аймақта әр тәулік сайын 300 ге тарта адамның ауру жұқтыратыны тіркеліп отыр. Өңірде 450 мың адамға вакцина егу жоспарланған.

Асылбек Ерғалы, Денсаулық сақтау басқармасының бөлім басшысы міндетін атқарушы:

1-ші компонентті 54 пайыз құраса, 2-ші компонент 42 пайызды құрап отыр. Яғни, 1-ші компонентті 243 мың адам алса, 2-ші компонентті 190 мыңнан аса адам қабылдады.

Ал Ақмола облысында, керісінше, вакциналау қарқыны бәсеңдеп кетті. Аймақтың денсаулық сақтау басқармасы бастығының айтуынша, екпе егу пунктеріне келіп жатқан тұрғындар аз, белсенділік төмен. Облыста екпе алуы тиіс 411 мың адамның 233 мыңы вакцинанның 1-компонентін салдырған.  

Болат Аманбаев