Бургер орталығының ашылуына қатысқан әнші Бүркіт жазаланды

Алматыда карантиндік шектеулерге қарамай бургер орталығының ашылуына қатысқан белгілі әнші Бүркіт жазаланды.

Оған әкімшілік хаттама толтырылып, 87500 теңге айыппұл салынды. Қалалық санитарлық-эпидемиологиялық бақылау департаменті қонақ үй аумағында өткен жиынға байланысты тексеру әлі де жүріп жатқанын айтты. Әлі де бірнеше азамат жазалануы мүмкін. Айта кетейін, 8 тамызда карантиндік шектеуді елемеген бір топ танымал азамат бургер орталығының ашылуына қатысқан. Бұған дейін шара ұйымдастырушы, қонақүйдің менеджері, әнші Луина мен оның күйеуіне айыппұл салынған болатын.

Қуан Нұрақын