Талдықорғанда зауыттағы жарылыстан 3 адам зардап шекті

Талдықорғандағы шина өңдейтін зауытта болған жарылыстан 3 адам зардап шекті. Екеуінің жағдайы - орташа, біреуі – ауыр хәлде. Олар қазір Талдықорған қалалық көпсалалы ауруханасында. Куәгерлердің айтуынша, жарылыс түнгі 3-тер шамасында Медеу көшесінде орналасқан шағын цехта болған. Қазір оның себеп-салдары анықталып жатыр. «Жарылыс қауіпсіздік талаптарын сақтамаудан болуы мүмкін», - дейді мамандар. Дәрігерлердің айтуынша, жапа шеккен жұмысшының денесінің 95 пайызы күйіп қалған.

Ілияс Бүйрекбаев, қалалық көпсалалы аурухананың дәрігері:
Бүгін таңғы 4-те 3 науқас қабылдау бөліміне түсті аса ауыр күйік жарақаттарымен. Бір науқастың жағдайы өте ауыр, 93-95 пайыз күйік жарақатын алған. Қалған екі науқастың жағдайы орташа жағдайда. 

Қуаныш Қанатұлы