Лисаков қаласында ер адам екі көршісін атып тастады

Қостанай облысының Лисаков қаласында ер адам екі көршісін «Сайга» аңшы мылтығымен атып тастады. Куәгерлердің айтуынша, дау подьездегі жөндеу жұмыстарына байланысты туындаған. Даудың соңы үлкен жанжалға ұласып6 ер адам өзімен көрші тұратын әйелге және оның қызына оқ атқан. Алған жарақатынан анасы қаза тауып, қызы ауыр халде ауруханаға жеткізілді. Бұзақы оқиға орнына келген полицияға да бағынбай, оларға да оқ жаудырған. Сөйтіп жедел топтың тергеушісін жаралаған. Бұдан соң полиция да оған қарсы қару қолданып, жараланған күдіктіні қолға түсірді.  

Қайыржан Көдебаев, облыстық ПД тергеу басқармасының тергеушісі:
Алған жарақатынан күдікті ауруханада көз жұмды. Сонымен қатар жараланған әйел мен тергеушіге көмек көсретілді. Қазір жағдайлары жақсы. Осы оқиға бойынша қылмыстық іс қозғалып, тергеу амалдары жүріп жатыр. 

Дәуренбек Әбдібек