Бүгін - Ұстаздар күні

Мұғалімдердің кәсіби мерекесі бүгін – қазан айының бірінші жексенбісі. Мереке қарсаңында «Үздік педагог-2021» республикалық байқауының қорытындысы шығарылды. 64 мектеп мұғалімі мен колледж оқытушысы үздік атанды. Биыл оныншы рет өтіп жатқан мерейтойлық рәсім аса көрнекті ағартушы, педагог Ыбырай Алтынсариннің 180 жылдығымен тұспа-тұс келді. Осыған байланысты іс-шара ұлы ағартушының туған жерінде өтті, деп хабарлады Білім және ғылым министрлігі. Министр Асхат Аймағамбетов еліміздің үздік педагогтеріне төсбелгілер мен шамамен 3 млн теңге (1000 АЕК) көлемінде ақшалай сертификаттарды табыс етті.