Елімізде тұңғыш рет жамбы ату және теңге ілуден жарыс өтті

Елімізде тұңғыш рет Жамбы ату және теңге ілу федерацияларының кубогы өтіп жатыр. Республикалық жарысқа 40-қа жуық мерген мен шабандоз қатысуда. Жамбы ату және теңге ілу спорттары жақында ғана спорт қатарына қосылды. Соған қарамастан, біздің спортшылар ел ішінде ғана емес, әлемдік додаларда топ жарып жүр. Турнир қатысушылары арасында садақ атудан әлем чемпионы Айкөз Ералхан, 2018 жылы Оңтүстік Кореяда өткен Әлем чемпионатында рекорд орнатқан Тұлыбеков Абзал мен Бадашев Елдос бар. Ұйымдастырушылардың айтуынша, жеңімпаздардың астына көлік мінгізіп, иығына шапан жабылады.

Рахат Жақсыбай , ҚР Ұлттық спорт қауымдастығының атқарушы директоры:

Жүлденің жалпы қоры 11 млн теңге. Екі спорт үшін. Автомобиль бас жүлде. Екінші торын 1 млн, 3 орын 500 мың теңге. Жүлде қоры осы спортқа қызығушылардың қатарын арттырады деп санаймыз. 

Ғабит Бөкенбай