Павлодарда мектеп автобусы апатқа ұшырады

Павлодарда өрт сендіру көлігі мен мектеп автобусы апатқа ұшырады. Қатты соққыдан автобус жол жиегіндегі жеңіл көлікті соғып, бағдаршам бағанына барып тірелген. Көлік ішінде болған 15 баланың 8-не медициналық көмек көрсетілді. 3-і ауруханаға жатқызылды. Оқушылар мектептен шығып, Теміржолшылар кентіндегі үйлеріне бара жатқан. Қазір полиция апатқа кім кінәлі екенін анықтап жатыр.

 Есқара Дастан, ТЖД бөлім басшысы:

Автобус жүргізушісі қарсы бағыттан келе жатқан арнайы техниканың дыбыстық және жарық шашу, дабылдық белгілерінің қосылып келе жатқанына қарамай жолды қиып өте берген.Сол кезде соқтығысады. Өрт сөндіру көлігі арнайы шақырту бойынша шыққан болатын. Енді нақты қай жүргізушінің тәртіп бұзғандығын полиция анықтайды.

Болат Аманбаев