Шымкент қаласының тұрғындары 100 пайыз екпе алды

Шымкент «жасыл аймаққа» енді. Қауіпті індетке шалдыққан науқастар санының азаюына байланысты инфекциялық стационардағы төсек-орындардың басым бөлігі қысқартылды. Ауруханаларда жалпы саны 397 науқас ем қабылдауда. Сондай-ақ Шымкент қаласында індетке қарсы вакцина салдыруы тиіс азаматтар 100 пайыз екпе алған. Алайда халық санының артуына байланысты екпе алатын азаматтар саны тағы өсіп отыр.

Лаура Нақыпқызы, Денсаулық сақтау басқармасының баспасөз хатшысы:

Сырттан келген студенттер бар, көшіп келген азаматтар бар. Сондықтан тағы 60 мың тұрғынға вакцина салу жүктелді. Қазір қаладағы екпе салу пункттерінде вакцина салу жалғасуда. Қала бойынша вакцинациялау жасайтын 41 медициналық ұйым бар. Ол бастапқы медициналық көмек көрсететін орындар.

Ғани Қалмаханов