Мәскеуде локдаун жарияланды

Мәскеуде коронавирустың өршуіне байланысты локдаун жарияланатын болды. 28 қазаннан 7 қарашаға дейін сауда орындары, дәмхана, мейрамханалар, сән салондары мен спорт нысандары жабылады. Мектеп оқушылары мен студенттер қашықтан оқиды. Алпыс жастан асқандар қыстың соңына дейін оқшаулануы тиіс. Ресейде коронавирустың тез тарайтын «Эй Уай 4.2» деп аталатын жаңа түрі тіркелді. Жаңа штамды жұқтырған науқастар әлден анықталып жатыр. Соңғы тәулікте іргелес елде бір күнде індетке шалдыққандардың саны 36 мыңнан асып түсті. Бұл пандемия басталғалы ең жоғарғы көрсеткіш. Эпидахуал тұрақталмаса, локдаун ұзартылуы мүмкін.

Индира Бегайдар