Мысырда 2017 жылы енгізілген төтенше жағдай тәртібі алынып тасталды

Мұндай шешімді солтүстік африкалық мемлекеттің басшысы Әбдел Фаттах әс-Сиси қабылдады. Мысыр президентінің сөзінше, қазір ел өңірдегі қауіпсіздік пен тұрақтылықтың оазисіне айналған. Араб Республикасында төтенше жағдай режимі 4 жыл бұрын шіркеулерде болған жарылыстан кейін енгізілген еді. Содан бері әр тоқсан сайын ұзартылып келді.

Көпшілік шектеу шарасының алынып тасталуын құптады. Дегенмен құқық қорғаушылардың мәлімдеуінше, оның аясында цензура, заңсыз бақылау тәрізді адам бостандығын шектейтін әрекеттерге жол берілмеуі тиіс.