Павлодар облысында 34 ауылды ауызсумен қамту жоспары орындалмады

Павлодар облысында 34 ауылды ауыз сумен қамту көзделгенімен, жоспар толық орындалмады. Себебі, Баянауылда 9 елді мекеннің 6-ында құрылыс әлі жүріп жатыр. Бұл мақсатқа облыстық бюджеттен 84 млн теңге және ұлттық қордан 337 млн теңге қаржы бөлінген. Ауданда орталықтандырылған су құбырларын тарту жұмыстарының мерзімінен тым кешеуілдеп жатқаны жайлы жарты жыл бұрын жаңалықтарда көрсеткен болатынбыз. Содан бері мәселе шешілмеген.

Марсель Узаков, Энергетика және тұрғын үй коммуналдық шаруашылығы басқармасы басшысының орынбасары:
6 жоба бойынша мәселе өте күрделі. Мердігер фирмалардың салақтығы, тапсырыс беруші тарапынан бақылаудың болмауы осындай жағдайға әкелді. «Көлсай-строй» деген фирма бірнеше ауылдарға су тартып беруі керек еді. Қазір біз оларды сотқа бердік. Баянауыл ауданын сапалы ауыз сумен қамту мәселесі ерекше бақылауға алынды.

Болат Аманбаев