«Алтын тұғыр-2021»: Ұлттық спорт үздіктері марапатталды

Елордада ұлттық спорттың үздіктеріне «Алтын Тұғыр-2021» сыйлығы табысталды. Көкпар, аударыспақ, теңге ілу, жамбы ату, бәйге және құсбегілік бойынша «Үздік төреші», «Үздік жаттықтырушы», «Үздік федерация», «Үздік жоба» иегерлері марапатталды. Жиыны 15 номинация бойынша жеңімпаздар анықталды. Шара аясында ұлттық спортты дамытуға елеулі үлес қосқан азаматтарға «Елімжан» сыйлығы тапсырылды. Ойындарды насихаттауға атсалысқан БАҚ өкілдері арнайы естелік сыйлықтармен марапатталды. «Алтын тұғыр» ұлттық спорт сыйлығын тапсыру биыл сегізінші рет ұйымдастырылып отыр.

Дарын Сағитов