Алматы облысында 19 қаңтарға дейін төтенше жағдай енгізілді

Президент Жарлығымен Алматы облысында да төтенше жағдай енгізілді. Өңір халқының қауіпсіздігін қамтамасыз ету мақсатында төтенше жағдай бүгін күндізгі 12.30-дан басталып, 19 қаңтар түнгі 12.00-ге дейін жалғасады. Жарлыққа сәйкес, Төтенше жағдай кезінде комендатура құрылып, оның комендаты болып облыстық Полиция департаментінің басшысы Серік Күдебаев тағайындалды. Түңгі сағат 23.00-ден таңғы сағат 7.00-ге дейін комменданттық сағат енгізілді. Азаматтардың жеке басын куәландыратын құжаттары мен жеке қосымша заттары тексеріледі. Облыс аумағына кіріп-шығу шектеледі, бейбіт жиындарды, ойын-сауық, спорттық және басқа да бұқаралық іс-шараларды ұйымдастыруға және өткізуге тыйым салынады. Қару, оқ-дәрі, жарылғыш заттар мен арнаулы құралдар сатуға тыйым салынады.

Қуаныш Қанатұлы