Сұйытылған газ бағасының қымбаттауына қатысты бірнеше адам ұсталды

Тоқтала кететін ақпарат – кеше Қайрат Шәріпбаевтың «QazaqGaz» Ұлттық компаниясы басқарма төрағасы қызметінен, ал Димаш Досановтың «Қазтрансойл» АҚ басқарма төрағасы қызметінен кеткенін, дәлірегі – өкілеттіктері мерзімінен бұрын тоқтатылғанын «Самұрық Қазына» ҰӘҚ өзі хабарлады. Сонымен бірге Қаржылық мониторинг агенттігі Энергетика вице-министрі Жұмабай Қарағаевтың ұсталғанын айтты.

Оны және тағы бірнеше адамды Маңғыстау облысындағы сұйытылған мұнай газының бағасын негізсіз көтеруге қатысы бар деп ұстаған. Қарағаев сот қаулысымен екі айға қамалған.