Шымкентте лауазым иесі журналистерге түсірілім жасауға тыйым салды

Шымкент қаласында халықтың әлеуметтік проблемасын көрсетуге барған журналистерге әкімдіктің лауазымды қызметкері дауыс көтеріп дікеңдеп, түсірілім жасауға тыйым салды.

Бұл жағдай қала әкімдігі ұйымдастырған пресс тур кезінде болған. Тілшілер электр жарығына жарымаған «Асар» шағын ауданы тұрғындарымен тілдесіп жатқан кезінде энергетика және инфрақұрылымды дамыту басқармасы басшысының орынбасары Бәкен Мақұлбеков келіп, дөрекілік көрсеткен. Ол тіпті тілшіні «бәлеқорсыңдар» деп жазғырған. Тұрғындардың арызы мен журналистердің сұрағына дұрыс жауап бере алмаған басқарма басшысының орынбасары ақыр соңы оқиға орнынан қолын бір сілтеп кетіп қалды.

Ғани Қалмаханов