Талдықорғанда қаңтар оқиғасы кезінде қаза тапқан құқық қорғаушылардың отбасына пәтер берілді

Талдықорғанда қаңтар оқиғасы кезінде қаза тапқан төрт құқық қорғаушының отбасына пәтер кілті берілді. Бір және екі бөлмелі баспаналар жергілікті кәсіпкердің қаражатына алынды. Жалпы өңірде қызмет бабында қайтыс болған полицейлердің шаңырағына жан-жақты көмек көрсетіліп келеді. Осыған дейін олардың несиелері өтеліп, 5 млн теңге жәрдемақы берілген болатын.

Естеріңізге сала кетсек, Дархан Барғанаев қалалық полиция басқармасын қорғау барысында, ал Ербол Ержанов Талдықорғандағы тергеу абақтысына жасалған шабуыл кезінде ерлікпен қаза тапты. Сондай-ақ Әділ Нұркенов пен Ғабдулла Смайылханов арнайы әскери операция кезінде көз жұмды.

Төлеубек Ержанұлы Е.Ержановтың әкесі:
Бәріңізге алғысымды айтамын. Келіп, қайғымызға ортақтасып, барлық айтқандарын орындап, жасап жатыр. 

Қуаныш Қанатұлы