Италиялық сарапшы: Түбегейлі реформаның арқасында жаһандық қауіп-қатерге қарсы тұруға болады

Италиядағы ғаламдық сараптамалар халықаралық институтының басшысы Қазақстанның саяси реформаларын құптап отыр. Тиберио Грациани Президент Жолдауында қоғамның қажеттілігін қамтамасыз ету, саяси жүйені кешенді жаңғырту мен елді орнықты дамыту мәселері қамтылғанына оң баға берді.

Тиберио Грациани, «Vision&Global Trends» ғаламдық сараптамалар халықаралық институтының Президенті:

Президент Тоқаевтың бұл Жолдауы маңызды тарихи құжат іспеттес. Ол мемлекеттік жүйені түбегейлі реформалау арқылы елдің саяси өміріне тың өзгеріс енгізбек. Қаңтардағы қайғылы оқиғаларға себеп болған әлеуметтік әділетсіздіктің тамырына балта шауып, Қазақстанды азаматтық қоғамы қалыптасқан озық мемлекетке айналдыру қажеттігін баса айтты. Бұл қазіргідей алмағайып заманда мемлекеттің қауіп-қатерлерге төтеп беруі үшін өте өзекті реформалар жиынтығы.

Нұрсұлу Қасым