Шетелдіктер Қазақстанға келу үшін электронды рұқсат алуы керек

Қазақстанда шетел азаматтарының елге кіру және болу тәртібі өзгерді. 1 қарашадан бастап визасыз келетін шетелдіктерге электрондық рұқсат алу талабы кезең-кезеңімен енгізіліп жатыр. Алғашқы кезеңде жаңа тәртіп Ақтау халықаралық әуежайы мен төрт автомобиль өткізу бекетінде қолданыла бастады. Олар – Павлодар облысындағы «Үрлітөбе», Жамбыл облысындағы «Аухатты», Түркістан облысындағы «Атамекен» және Жетісу облысындағы «Нұрлы Жол» бекеттері. 2027 жылғы 1 қаңтардан бастап талап Астана мен Алматы әуежайларында енгізіледі. Ал 1 наурыздан қалған барлық шекара бекеттеріне осы талап қойылмақ. Әзірге электрондық рұқсатсыз келген шетелдіктерге елге кіруге тыйым салынбайды. Тек жаңа талап түсіндіріледі. Ал 2027 жылдың 1 шілдесінен бастап электронды рұқсаты жоқ шетелдіктер Қазақстанға кіре алмайды.