Петропавлда жарты жыл бұрын жөнделген көпір қайта бүлінді

Петропавлда жарты жыл бұрын жөнделген көпір қайта бүлінді. Былтыр бюджеттен 21 млн теңге бөлініп, қалпына келтірілген еді. Жөндеу жұмыстары 3 айға созылғанымен ақау толық жойылмады. Бұған дейін де бірнеше жыл бұрын 570 млн теңге жұмсалып, бастан-аяқ жаңаланды. Бірақ уақыт ұзамай өткелде пайда болған жарықтар үлкейіп, плиталар бір-бірінен алшақтап кетті.

Бауыржан Дайыров, қала тұрғыны:

Күзде ғана жөнделген көпір. Қыста бәрі жақсы болды. Көктемде қар еріген соң шұрық-тесігі көрініп жатыр. Кесірінен көлік кептелісі болады.

Әсем Айтолла, ТҮКШ бөлімінің баспасөз хатшысы:

Биылғы жылы ешқандай қаражат бөлінбейді, себебі жұмыстардың барлығы кепілдемеге сай жасалады. Ауа райы қалыпқа келгеннен кейін асфальт жабындысы жабылатын болады.

Эльмира Кәленова