Қызылордалық полицейлер 8 жылдан бері іздеуде жүрген ұрыны ұстады

Қызылордалық полицейлер 8 жылдан бері іздеуде жүрген ұрыны ұстады. Осы кезге дейін жазадан жалтарып, жасырынып келген 56 жастағы күдіктіні сақшылар Ақмола облысының аумағында қолға түсірген. Ол өзінің сыбайластарымен бірге 2012 жылы электрондық банк жүйесі арқылы 74,5 миллион теңгені жалған келісім жүргізу арқылы алдап-соғып иемденіп алған. Оған қатысты 2014 жылы сот «қамауға алу» туралы шешім қабылдағанымен, осы кезге дейін ізін жасырып келген. Қазіргі таңда ұсталған күдікті Нұр-Сұлтан қаласындағы уақытша ұстау абақтысына қамауға алынып, сотқа дейінгі тергеу амалдары жүріп жатыр.

Әділбек Серікұлы