Ақтауда жоғалған сарбаз табылды

Ақтауда жоғалған сарбаз табылды. Бағлан Әділбеков бүгін таңертең полиция бөліміне өзі келген. Алайда, оның қайда болғаны белгісіз. Осы оқиға қатысты қызметтік тексеру басталды. 66-56 әскери бөлімінде борышын өтеп жатқанына 1 жыл болған сарбаз маусым айында үйіне қайтқалы отырған. Ол өткен сенбіде теңіз жағалауына қоғамдық қауіпсіздікті бақылау үшін барып, әскери бөлімге қайтып оралмаған.

Марат Рахманов, 66-56 әскери бөлімінің командирі:

Әділбеков Бағлан қазір әскери бөлімде. Ол теңіз жағасында болғанын айтады. Әскери бөлімнің ұжымына өкпе-реніші жоқ. Сарбаз ата-анасымен кездесті. Ата-анасының әскери бөлімге қояр талабы жоқ. Қызметтік тексеру тағайындалды.

Аягөз Оралбайқызы