Қызылорда облысында былтыр бюджеттен 134 миллион теңге жымқырылған анықталды

Қызылорда облысында мемлекеттік сатып алу жүйесінде заң бұзушылықтарға жиі жол беріліп келген. Прокурорлық тексеру барысында былтыр бюджет қаражатынан 134 миллион теңге жымқырылғаны анықталды.

Қазіргі таңда салаға жауаптылардың үстінен 5 қылмыстық іс қозғалып, сотқа дейінгі тергеп-тексеру амалдары жүріп жатыр. Атап айтсақ, Сырдарияның сол жағалауындағы «Шіркейлі» каналынан салынған жаңа көпірдің жоба-сметалық құжатында көрсетілген 30 миллион теңгенің жұмысы атқарылмаса да, орындалды деп қабылданып кеткен. Сондай-ақ, облыстағы 16 әлеуметтік нысанның құрылысынан осындай олқылық анықталып отыр. Жалпы өткен жылы мемлекеттік сатып алу заңнамасын бұзған 214 қызметкер тәртіптік және әкімшілік жауапқа тартылған.

Әділбек Серікұлы