Алматы тұрғындары: Мақсатымыз бір жағадан бас, бір жеңнен қол шығарып, ел болашағын бірге айқындау

Аймақтарда саяси науқан қыза түсті. Алматы халқы учаскелерге келіп, дауыс беріп жатыр.

Нұрсұлтан Тілектес, тілші:

Біз қазір Оқушылар сарайындамыз, нысан бүгін нөмірі 377 дауыс беру учаскесі ретінде келушілерге есігін айқара ашқан. Тұрғындар таң сәріден келіп, өз таңдауларын жасады. Жұрт белсенді. Мақсатымыз бір жағадан бас, бір жеңнен қол шығарып, ел болашағын бірге айқындау дейді олар. Учаске төрағасының сөзінше, Оқулышылар сарайы болғандықтан балаларымен келетін отбасыларға арнап аниматорлар жалдапты. Түрлі ертегі кейіркерлері бүлдіршіндерге кітап сыйлайды. Бір сөзбен айтқанда референдум ерекше форматта өтуде. Еске саламыз, Алматы бойынша 574 учаске жұмыс істеп тұр. 

Нұрсұлтан Тілектес