Референдум: Жастар да саяси шараға белсенді қатысты

Референдум: Жастар да саяси шараға белсенді қатысты

«Жастар ел болашағын өркендетуге үлес қоса алады. Билік олардың пікірімен санасты», - дейді білім беру саласының өкілдері. Қазақ ұлттық қыздар педагогикалық университетінің ректоры Гүлмира Қанайдың сөзінше, референдум күні оқу ордасында екі бірдей дауыс беру учаскесі жұмыс істеген. Сол ауданда тұратын азаматтардан бөлек, студенттер де саяси шараға белсене қатысқан.

«Бұл - жастардың ел болашағына немқұрайлы қарамайтынын көрсетеді», - дейді ол. Айтуынша, референдумның нәтижесі елімізде демократиялық қоғамның күші басым екенін айқындады.

Гүлмира Қанай, Қазақ ұлттық педагогикалық университетінің ректоры:
Мемлекет пен халық арасындағы қарым-қатынас өзгерді. Яғни, мемлекет халықтың алдында жауапкершілік алып жатыр. Шешім қабылдауда сіздердің пікірлеріңіз, дауыстарыңыз біз үшін маңызды деп жатыр. Сондықтан халықтың дауысын еститін мемлекет бізде де құрылып жатыр деген сенімдемін.

Нұрсұлтан Тілектесов