Ауыл шаруашылығы тауарларын алдын ала тікелей сатып алу қажет - Мемлекет басшысы

«Ауыл шаруашылығы тауарларын алдын ала тікелей сатып алу қажет». Үкіметтің кеңейтілген отырысында Мемлекет басшысы осылай деді. Атап айтсақ, биыл шілдеге дейін әлеуметтік маңызы бар 47 мың тонна азық-түлікке қатысты осындай шаралар жасалған. Алайда, ол ішкі нарыққа әсер етпеген. Президент бұл мәселені шешуді құзырлы министрлікке тапсырды.

Сонымен қатар, Қасым-Жомарт Тоқаев елде шығарылатын өнімдерге қолдау білдіру қажеттігіне тоқталды. Ол үшін шаруа қожалықтары ірі сауда желілерімен тығыз байланыс орнатуы керек. Өнімге қосылатын бағаны нақты белгілеп, арада жүрген саудагерлер санын азайту қажет. Бұл ретте, тиісті заңнамалық шараларды қабылдауымыз керек,-деді Президент.

Фариза Мұсақызы