Елдегі құс етінің бағасы бидайға тәуелді

Үкіметтен жеңілдетілген пайызбен бидай берілмесе, құс еті мен жұмыртқа бағасы шарықтай бермек. Бүгін өткен Еуразиялық құс шаруашылығы қауымдастығының форумында осы және өзге де мәселелер көтерілді. Елімізде 58 құс фабрикасы бар. Түйіткілді мәселе көп. Отандық шаруашылықтар құс етімен ішкі нарықты толық қамтамасыз ете алмайды. Былтыр бидай өнімі аз болды. Кәсіпкерлер биылғы жемнің жайы қалай болмақ деп алаңдаулы. Ал, Ауыл шаруашылығы министрлігі биыл жеңілдікпен 150 мың тонна ғана бидай сата аламыз деп отыр.

Руслан Шарипов, Қазақстан құс өсірушілер одағының президенті:

70 пайыз бағасы - жұмыртқа болсын, ет болсын жемде жатыр. Жем арзан болса демек жұмыртқа мен ет те арзан болады. Қазақстанда жем, бидайдан басқа қалған барлық құсқа керек затты шетелден валютаға сатып аламыз.

Дархан Рахымжан