Шымкент қаласында оқушы қыздың өліміне жұмыс берушіні кінәләді

Шымкент қаласының полицейлері пиццерияда электр тогы соғып қайтыс болған жасөспірім қыздың өліміне күдікті ретінде жұмыс берушіні қамауға алды. Бұл оқиға осыдан үш ай бұрын болған. Мектепте оқитын 15 жастағы қыз дәмханада еден жуып жүріп, электр сымдарының тұйықталуынан жан тәсілім еткен болатын. Құқық қорғаушылар осы оқиғаға байланысты қылмыстық кодекстің еңбекті қорғау қағидаларының бұзылу бабы бойынша тергеу жүргізді. Сараптамалар жасалды. Нәтижесінде марқұмға жұмыс беріші Пәкістан азаматы уақытша ұстау изоляторына қамауға алынды. Электр-техникалық сараптама қорытындысы шыққаннан соң іс сотқа жолданбақ. 

Ғани Қалмаханов, Н. Нұрбек