Маңғыстауда мұнай қалдықтарын заңсыз төккен компанияға 60 млн теңге айыппұл салынды

Маңғыстау облысында Жетібай ауылы маңына мұнай қалдықтарын заңсыз төккен компания анықталды. Серіктестік шамамен 1 гектар аумақта 100 тонна мұнай қалдығын сақтап, қоршаған ортаға орасан зор зиян келтірген. Жоспардан тыс тексеру кезінде экологиялық кодекстің 4 бабы бұзылғаны белгілі болды. Компания әкімшілік жауапкершілікке тартылып, 60 млн теңге айыппұл салынды. Еске салайық, біз бұл мәселені бұдан 4 ай бұрын көтердік. Сол кезде Жетібай ауылының тұрғындары мұнай қалдықтарының жиі өртелетінін, одан тарайтын улы газдарға тұншығып отырғандарын айтып шағымданды.

Гүлім Лұқпанова, Облыстық экология департаментінің бөлім басшысы:
Аталған аумақты толықтай заласыздандырып, қалпына келтіріуге міндетті. Қазіргі таңда қалпына келтіру жұмыстарын жүргізіп жатыр. Біздің міндет аталған ЖШС-тің қоршаған ортаға залалын анықтап, айыппұл салу. Жерді қайтадан мемлекетке қайтару және оны шешу мәселесін қарастыратын жергілікті орган. 

 Аягөз Оралбайқызы