Қазақстанға Түрікменстан президенті келді

Астанаға келіп жатқан мәртебелі меймандар легі әлі де жалғасып жатыр. Бүгін Қазақстанға Түрікменстан президенті Сердар Бердімұхамедов келді. Бұл оның біздің елге жасап отырған алғашқы мемлекеттік сапары. Бауырлас елдің басшысын әуежайдан Премьер-министр Әлихан Смайылов күтіп алды. Түрікмен президенті бүгін екі бірдей саммитке қатысады. Ал ертең Қасым-Жомарт Тоқаевпен кездесіп, екі ел арасындағы маңызды мәселелер талқыланады деп жоспарланған.

Шерхан Жамбылұлы