Басты Жаңалықтар Алматыға Шығыс Қазақстан және Абай облыстарының шаруалары өнімдерін әкелді

Алматыға Шығыс Қазақстан және Абай облыстарының шаруалары өнімдерін әкелді

15.10.2022 20:00

Алматыға Шығыс Қазақстан және Абай облыстарының шаруалары өз өнімдерін әкелді. Республика күніне орай ұйымдастырылған жәрмеңкеге әкелінген тауарлардың жалпы салмағы 200 тоннадан асады. Қала тұрғындарына бал, ет, сүт өнімдері сияқты 50-ден аса азық-түлік түрі ұсынылды.

Алматы әкімдігі мұндай жәрмеңкелерді тұрақты өткізуді дәстүрге айналдырған. Бұған дейін бірнеше өңірдің шаруалары өз өнімдерін саудалады.

Ерлан Омаров, қалалық Кәсіпкерлік және инвестиция басқармасы басшысының орынбасары:

Шығыс Қазақстанның балы дәмді, сапасы жақсы болғандықтан бал жақсы өтіп жатыр. Және еті жақсы болғандықтан осы екі түрі халықтың арасында көп өтуде.

Жәрмеңкеге әкелінген азық-түлік түрлерінің бағасы қолжетімді. Қала нарығындағы бағадан 20 пайызға арзан, дейді шаруалар.

Тұрсынхан Базарбаев, Қатонқарағай ауданы шаруаларының өкілі:

Балдың бір келісі – 2500 теңгеден, сиыр еті – 2300 теңгеден, жылқының еті – 2500 теңгеден саудаланып жатыр.

Бағасына көңілі толған қала тұрғындары экологиялық таза өнімдерді шаруалардың өздерінен сатып алуға асықты. Түске дейін 2000-ға жуық тұтынушы сауда жасап, кәсіпкерлердің сапалы өніміне разы болды.

Сағат Көдеков, қала тұрғыны:

Біздің базарларда 300, 3500, 4000 мың дейді. Мына жерде 2500-ден, 2000 мыңнан. Қойдың етін 2000 мыңнан сатып жатыр.

Гүлшат Рымбаева, қала тұрғыны:

Азық-түлік өте сондай бағасы ұнамды. Бізге ыңғайлы. Сондықтан Алматы қаласында осындай жәрмеңкелерді жиі ұйымдастырып тұрса деймін.

Ауыл шаруашылығы жәрменкесі ертең де таңғы 8:00-ден кешкі сағат 17:00-ге дейін өтеді. Қала әкімдігі алдағы уақытта тұрғындарға Түркістан облысы шаруаларының өнімін ұсынуды жоспарлап отыр.

Қуан Нұрақын

Автор

Қуан Нұрақын

Бөлісу