Рақымшылыққа ілінген азаматтарға мемлекет тарапынан қолдау көрсетіледі – депутаттар

Рақымшылыққа ілінген азаматтарға мемлекет тарапынан жан-жақты қолдау көрсетіледі. Бұл туралы Мәжіліс депутаттары мәлімдеді. Олардың айтуынша, қабылданған заңда рақымшылық қолданылған адамдарды жұмыспен қамтып, денсаулықтары мен баспана мәселелерін шешу бойынша түрлі тетіктер қарастырылған.

Аманжол Әлтай, ҚР Парламенті Мәжілісінің депутаты:

Қаңтар оқиғасында жаппай тәртіпсіздікке араласқан, байқамай, білмей соған еріп кеткен жастарымыз рақымшылық бойынша өзінің отбасымен, бала-шағасымен, ата-анасымен табысатын болады.

Берік Бекжанов, ҚР Парламенті Мәжілісінің депутаты:

Рақымшылық қолданылған азаматтарға Үкімет тарапынан, жалпы жергілікті мемлекеттік орган тарапынан оларды жұмысқа орналастыру, денсаулығына қатысты мәселелер, егер де олардың тұрғын-жайы болмаған жағдайда, арнайы орталықтар бойынша оларды тұрғын жаймен қамтамасыз ету мәселесі де жалпы қаралатын болады.

Серік Селеубай