Риддерде тұрғын үйлер жылына бастады

Риддер қаласындағы жылу электр орталығы қалыпты жұмысына келе бастады.

Өткен түнде төрт қазандықтың жекелеген құрылығылары іске қосылды. Нәтижесінде ондағы температура 70 градусқа көтерілді. Ал үйлердегі жылу 18-ден 24 градусқа жетті.

Риддер қаласының әкімі Дмитрий Горьковойдың айтуынша, төртінші және бесінші қазандықтар әлі жөнделіп жатыр. Оған қажетті материал да жеткізілген. Егер жұмыс жоспардағыдай орындалса, бір аптадан соң төртінші қазандық іске қосылады. Энергетикер бесіншісіне біраз уақыт керек дейді.

Жылу толық берілмейінше, қалада төтенше жағдай режимі алынбайды.

Олжас Керейхан