Жексенбі күні дауыс берген азаматтар арасында әлеуметтік сауалнама жүргізілмек

«Ашық қоғам» аймақтық зерттеулер халықаралық институты» қоғамдық қоры 20 қараша күні сайлауға қатысып, дауыс берген азаматтар арасында әлеуметтік сауалнама жүргізеді. Саяси шараның алдын ала қорытындысын және қатысушылардың белсенділігін білу үшін «Қазақстан» телерадиокорпорациясы экзит пулға тапсырыс берді. «Ашық қоғам» институты экзит пул жүйесі бойынша республиканың барлық аймағындағы 354 сайлау учаскесін қамтиды және нәтижесін Ұлттық арна эфирінен түнгі сағат 00:00-ден кеткенде жариялайды. Халық арасында сауалнама жүргізу қызметін «Қазақстан» телерадиокорпорациясы коммерциялық қаржы есебінен төледі.

Саламат Омаш