Ақтауда уақытша ұстау изоляторы бейнебақылау камераларымен жабдықталып жатыр

Ақтауда уақытша ұстау изоляторы бейнебақылау камераларымен жабдықталып жатыр. 

Нысанға бас-аяғы 566 камера орнатылады. Нәтижесінде жабық мекеменің тыныс-тіршілігі толық бақылауда болады. Бейнекамераларды прокуратура өкілдері өз жұмыс орнында отырып-ақ, тікелей көреді.

Бүгінде уақытша ұстау изоляторында 200 адам бар. Облыс прокурорының орынбасары оларды жеке қабылдап, қылмыстық істеріне қатысты сауалдарға жауап берді. Сондай-ақ сотталғандарға прокуратура туралы конституциялық заңдағы өзгерістер мен жаңа талаптар түсіндірілді.

Смағұл Хасниязов, Облыстық прокуратураның басқарма басшысы :

Бұрын камералар болды. Президенттің тапсырмасынан кейін осы жылдың басынан бастап барлық соқыр аймақтарды, соқыр аумақ болдырмау мақсатында, мекеменің барлық жеріне камералар орнатылып жатыр. Болашақта осы сотталғандардың жүріп-тұруына үлкен көмегін тигізеді.

Аягөз Оралбайқызы