Экологиялық ахуал: Ақтөбеде ірі кәсіпорындарға 2 млрд теңге айыппұл салынды

Ақтөбе облысында экологияға залал келтірген ірі кәсіпорындарға 2 миллиард теңге айыппұл салынды. Олардың дені мұнай-газ өңдеумен айналысатын компаниялар.

Жыл басынан бері облыстық экология департаменті 100-ден астам тексеру жүргізген. Өңірде әсіресе, мұнай қалдықтары табиғатқа көп зиянын тигізіп келеді. Сондай-ақ ғарыштық бейне түсірілімдер арқылы 253 жерге басқа да заңсыз қалдықтар төгілгені анықталды. Биылғы алты айдың өзінде қоршаған ортаға 80 мың тонна зиянды зат шығарылған.

Талап Ұснадин, Облыстық экология департаменті басшысының орынбасары:
Оның ішінде ірі кәсіпкерлер, «СНПС Ақтөбемұнайгаз» бар, тағы да «Восход Хром» мен «Восход Ориел» бар, бұл екі кәсіпкерге 800 миллиондай айыппұл салынды. Айыппұлдан бөлек жүзден астам ұйғарымдар берілді. Осы 11 айда.

Жақсыбек Кемал