Азаматтарға тегін заң көмегі көрсетіледі

Жыл басынан бері елімізде 715 мыңнан астам адамға тегін құқықтық көмек көрсетілді . Бұл туралы Әділет вице-министрі Алма Мұқанова мәлімдеді. Заң консультанттар палатасында заңдық тұрғыда көмек көрсетіледі. Онда негізінен алимент өндіріп алу, зейнетақы мен жәрдемақы тағайындау, оңалту, босқын немесе қандас мәртебесін алу сияқты бағыттар қамтылған.

Алма Мұқанова, ҚР Әділет вице-министрі:

ҚР аумағында 48 Заң консультанттар палаталары тіркелген. Мемлекет бойынша заң консультанттарының жалпы саны 13 010 адамды құрайды. Қазіргі уақытта республика бойынша адвокаттық қызметті 5 879 адвокат жүзеге асырады. Әділет министрлігі мемлекет кепілдік берген заң көмегіне ақы төлеу мөлшерін ұлғайту мәселесін талдауда. Заң іске асырылған сәттен бастап бүгінгі жағдай бойынша 715 мыңнан астам адамға тегін заң көмегі көрсетілді.

Ламбриан Топузидис