Астанада Нұрғожа Ораздың құрметіне ескерткіш тақта орнатылды

Нұрқожа Ораз солтүстік өңірлердің қазақ мәдениеті мен руханияттың іргелі ошағына айналуына сүбелі үлес қосқан қаламгер. 1963 жылы Қостанайдан Ақмолаға көшіп, «Тың өлкесі» газетінде қызмет етті. Бұл өңірде айтыс өнерін қайта түлетудің ұйытқысы болған. Бұл туралы естеліктерді бүгін зиялы қауым өкілдері, журналистер, Жазушылар одағының мүшелері, қаламгердің жақын туған туысқандары бөлісті.

Нұрғожа Нарымбетұлының қазақ әдебиетіне жасаған еңбегі зор. Ол «Шұғыла», «Дала демі», «Жауқазын шақ» сынды шығармалардың авторы. Жазушы бұл үйде 1985 жылдан бері тұрып, 2016 жылы дүниеден өтті.