Шығыстағы таулы аймақтарда қар көшкіні қаупі бар

Шығыстағы таулы аймақтарда қар көшкіні қауіп төндіріп тұр. Сондықтан «Қазселденқорғау» мекемесінің мамандары құтқарушыларымен бірлесіп, Алтай, №Самар және Қатонқарағай бағытындағы автокөлік жолдарының бойындағы қарды жасанды жарылыс арқылы үздіксіз құлатып келеді.

Бүгінге дейін тау беткейлерінен 34 мың текше метр қар түсірілген. Тек соңғы бір аптада «Алтай-Өскемен» тасжолының бойында жарылыс арқылы үш рет қар көшкіні түсірілді. Мамандар биыл таулы аудандардағы қардың қалыңдығы қазірдің өзінде 3-4 метрге жетіп қалғанын айтады.

Өңірде қар көшкіні түсетін аумақтарда 100-ден аса елдімекен қоныстанған. Ал Алтайда қыс аз дегенде әлі алты айға созылады.

Олжас Керейхан