Астанада қайырымдылық шыршасы өтті

Астанада аз қамтылған отбасынан шыққан жеткіншектер мен ерекше балалар үшін қайырымдылық шыршасы өтті.

Сан алуан қызыққа толы мерекелік кешке 50-ден аса бүлдіршін қатысты. Олар ата-анасымен бірге жаңа жылдық шыршаның жанында ән салып, би билеп, ерекше мерекелік көңіл-күйге бөленді. Кеш барысында балалар өздеріне жаңа дос тауып, ертегі әлеміне еніп кеткендей сезімде болды.

Қазір қаланың әр ауданында мерекелік іс-шаралар өтіп жатыр. Оларға 100 бала шақырылды. Ал демеушілердің қолдауымен өткен қайырымдылық шараға барлығы 150-ден аса кішкентай тұрғын қатысты.

Ақмарал Иманәлиева, қала тұрғыны:

Біз «Бақытты шаңырақ» қоғамдық қорының шақыртуымен келіп отырмыз. Осындай ерекше балаларды елеусіз қалдырмай, көңілді кеш ұйымдастырып беріп отырған демеушілерге үлкен алғыс білдіреміз. Айтады ғой бір жерде «Бір бала қуанса, көктегі мың періште қуанады» деп, көп рахмет.

Ламбриан Топузидис