Ақтөбеде сұранысқа ие мамандықтар анықталады

Сұранысқа ие мамандықтар сауалнама арқылы анықталады. Бұл шараны Атамекен кәсіпкерлер палатасы Еңбек және халықты әлеуметтік қорғау министрлігіммен бірлесіп жүргізіп жатыр. 24 ақпанға дейін «Еңбек кз» сайтында онлайн жүретін сауалнамамен 2 мыңнан астам ірі кәсіпорынды қамту жоспарланып отыр. Кәсіпкерлердің жауабы техникалық, кәсіптік және жоғары білім беру орындары үшін мемлекеттік тапсырысты жүйелеу кезінде ескеріледі. Сұранысы жоғары мамандықтар тізімін бұған дейін де жасалған.

Рахат Тәжібаев, Өңірлік кәсіпкерлер палатасының сарапшысы:

Былтырғы жылмен салыстыратын болсақ, орта білім, арнайы жұмысшылар қажет екені анықталды. Онда арнайы спецтехника жүргізетін мамандардың қажеттігі анықталды. Яғни, жүрізуші, трактор жүргізушісі, сонымен қатар өзге де жүргізушілер қажет. Аспазшы, одан бөлек өнеркәсіпте өндіретін жұмысшылардың қажеттілігі анықталды.

Жақсыбек Кемал